| 琴日，放左學就趕去醫院做磁力共振，連bio TAS 都無做到!! 做咩都無所謂，我最怕就係要打針。最後的兩堂phy堂真係緊張到手腳都冰晒，手汗都出晒: ( 去到醫院，成個磁力共振department 都係d瞓病床，或者坐輪椅的病人，得我一個係落望去健康的。病人須知上面寫要注射造影劑，已經係勁驚打針架啦! 點知最驚嚇的係要插住支針入手背條血管一個半鐘頭，嚇了我一跳。個姑娘開頭仲要找唔到我條血管， 係咁搓我隻手。插落去真係好痛，我忍唔住大叫好痛呀，跟住就嘩嘩聲咁喊! 俾個姑娘笑我嚇親出面d病人。 入到去瞓在一部白色的機器上，張床都好舒服! 醫生同姑娘都走晒，淨係得我一個人。部機忽然發出巨響，張床不斷狂震，嚇死我!! 雖然在惡劣的環境，但是因為番學太累，居然睡著了! 哈哈~ 洪玫瑰，恭喜你~ |
| |
| 我愛韓國!! 啱啱去完韓國番來，短短五日，已經俾韓國的民族意識感動~ 實在太後悔之前居然鍾意日本。好懷念韓國的食物，石頭鍋飯、鐵板燒、人參雞、泡菜kimchi....... 韓國的電視雖然聽唔明，都覺得好好睇!! 喺酒店睇MBC尹恩惠的《咖啡王子1號店》，睇到唔肯沖涼!! 哈哈~ 一定要買碟先得!! 我們的隨團攝影師超似吳彥祖，好靚仔又可愛!! 呵呵，我已經得到佢的MSN+email啦!! 我們的首爾 今晚韓國vs曼聯，雖然睇唔明，都要支持韓國!! 我心裡默念「大韓民國加油」，可惜我唔係穿著紅色的衣服~ |
| |
| Oh~ Vanessa終於番左來lu!! Field trip cancel 左，無啦啦遊左一朝車河!! 地鐵>巴士>火車..... 不過可以食到美味的荔枝雪糕，同買到一隻好得意的龜龜公仔，補番數啦!! 今個星期二去左張振興考oral，好鬼驚，最怕考oral!! 我組有個連中文都唔識的外國女仔，d英文真的好勁，真是俾佢嚇親。仲有我隔離嗰位student D個樣超似鄭元暢，又高wor，真係超似超似。 呀靈聽日高考放榜，good luck~ |
| |
| 太忙lu，好久無寫xanga!! 係時候回顧下4、5月發生的事情。 4月19日，一個難忘的日子。我見到飛輪海呀!! 我約左zo記，放左學即刻衝出銅鑼灣times square霸位。雖然被Miss Lau撞破，但係唔理得咁多喇!! 真是超多人，擠到嘔!! 前面d fans又唔識趣，d banner 舉到鬼咁高，咩都睇唔到! 後面d 人又係咁擠，我附近有大約20人跌倒，好恐怖，幾驚會人踩人呀! 擠到我仲以為自己會死tim，哈哈! 雖然只係見到幾秒，不過都已經好開心喇!! 一定唔會再有下次~ 5月retake CE 英文，變左syllabus，的確係易左，但作文仲係唔識。 題目係做個clever的人重要，定係beautiful的人重要。我記得Agnes都問過我好多次，我次次都話要靚，但係我明知自己無point ga ma，唔通答因為我係自戀狂咩!! 今日放學，我居然同Miss Lau同一輛校車。但無得同佢坐呀! 不過被我知道學校原來有好多人都鍾意Miss Lau! 前面車d人走晒去後面同佢玩，我輛校車後面d人又走上前同佢傾計，成車人都起哄，連出面走過的學生都躦個頭進lai!! 落左車，我忍唔住想睇下Miss Lau約左邊個， 我就靜靜的跟佢後面。佢入左商場，我就貼實度玻璃門望入去，十足狗仔隊。 見到一中年對男女。點知Miss Lau突然望過lai，都唔知佢見唔見到我，好樣衰呀!!! |
| |
| 實在太好啦! 成功利誘披頭四番足一個星期，哈哈哈!!! Karen整的巧克力真是超好食，又甜又滑，食完會有幸福的感覺。我肯定你是騙我們的，出街買的對不對?? 最近真是好開心，好多同學都超好。首先有Emily送飛輪海的貼紙、poster、雜誌俾我，連Carmen都將TVB周刊d唐禹哲俾左我，仲借《終極一班》我睇，實在太好人啦，好鍾意呢d同學tim!!諗番起細個我最愛的二姑媽都會幫收集明星d野。個時唔會成日換偶像，因為見到佢地，就會想起二姑媽有幾錫我。但是自從佢d孫出世，我就由第一位跌到唔知去左邊!! 可憐!! 不過我仍然好愛我的二姑媽，當然仲有呀靈、zo記、妹妹、細表姐、Miss Lau、音樂老師、汪東城、吳尊、唐禹哲....... |
| |
